Istilah-istilah Adat Batak Toba

Istilah-istilah manang pandohan diulaon paradaton di Batak Toba

1.     Naparjolo istilah/pandohan “Sipamuhai Hata”,

Sipamuhai Hata manang dizaman saonari on godang dipakke istilah “Protokol”.

Nian istilah “Protokol” on memang sian Bahasa Indonesia nama, molo hata Batakna “Sipamuhai Hata” ala ibana ma apala parjolo sahali mamuhai hata namanise di loloan i. Ruhut adat Batak nasumolhot tu hasuhuton do protokol ala ibana ma natumangkas mangantusi taringot tu pardalanan ni adat nanaeng sipatupaon nasida.

Songon hadirion di adat songon on ma hira-hira:

Martampuk bulung marbona sangkalan, marnata suhut marnampuna ugasan.  Tabo jambar juhut taboan do jambar hata. Jadi jambar ni suhut do protokol laho namangandehon hata tu dongan tubuna. 

Songon hukum adat Batak di tingki manang namasa si songon on ima songon na nidok ni umpasa:

“Tartalik hulinghuling tarida holiholi,

molo anggina hasuhuton hahana panamboli”

 

2.     Napaduahon istilah “Parsinabung”,

Parsinabung marasal sian hata Batak “sabungan” lapatanna “sumber”, jadi parsinabung adalah narasumber atau pembicara, di hata Batak digoari ma “RAJA PARHATA” manang “PARSINABUNG”.

 

3.     Napatoluhon istilah Parsinabul,

Parsinabula marasal sian hata Batak “abul” na marlapatan “balos” (balas). Jadi parsinabul ima panghataion namasibalosan (responsoria). Pandohan “Parsinabung” manang “Parsinabul” mengikuti bona pasogit masing-masing. Sebaikna istilah on unang ma dipermasalahon.

4.     Napaopathon Istilah “Panamboli”,

Istilah Panamboli berasal sian hata Batak “sambol” = seat. Namanambol pinahan di ulaon adat dos do tuhukna dohot parsinabung ingkon tong do sian suhut paidua.

5.      Napalimahon istilah “Mangarapot”,

Di piga-piga luat didokhon ma istilah on songon “martonggo raja” ima di adat sari matua manang saur matua. Denggan ma on disesuaihon sesuai luat ni suhut bolon.

 

6.     Napaonomhon istilah “Martonggo Raja”,

Astuan di istilah Martonggo Raja ima manaringoti adat di ulaon lao pangoli anak. Ulaon partonggo raja on dilaksanahon oleh pihak Paranak.

 

7.     Napapituhon istilah Marria Raja”,

Istilah “Marria raja” ima manaringoti adat pamuli boru. Ulaon marria raja dilaksanahon oleh pihak Parboru.

 

8.     Na paualuhon istilah “Sitombol”,

Istilah Sitombol di paradaton “Alap Jual” berkaitan Hula-hula manjalo Sinamot Suhi ni Ampang Na Opat dipahibul. “Rambu Pinudun” di adat taruhon jual berkaitan Ulos herbang dijalo paranak.

 

9.     Napasiahon Istilah “Ulos Tondi”,

Istilah Ulos Tondi manang “Ulos Mula Gabe” didok ala pengaruh ni ke-Kristenan ma on. (jaha Galatia 6:2).

 

10.   Istilah napasappuluhon “Somba Ni Uhum”,

Di paradaton pasahat “Somba ni Uhum” somalna dipake di ulaon manggarar adat, ala parjolo “Pajolo Holong”, “Papudi Uhum” didok ma goarna pasahat “Somba ni Uhum”.